Lopapeysan

Er þetta íslenskt mynstur??? ég kannast ekki við þetta mynstur, en þar sem peysan er til sölu er hún ayglýst sem hefðbundin íslensk ullarpeysa úr íslenskri ull með hefðbundnu íslensku mynstri... og kostar hvorki meira né minna en heilar 1.090 kr. það mun vera 21.300 íslenskar krónur samkvæmt genginu í dag.
þessi að neðan er alveg ferlega flott og ætla ég ég læri að prjóna svona þegar ég er komin í holdarfar sem ber vel þykka peysu. Verð þessarar á núvirði krónunnar er 26.200!!!

Heima hjá ömmu var ruggustóll einn. Nýtískulegur af ruggustól að vera, eiginlega hægindastóll líka, örugglega faðir lazy boysins. Það var svo gaman að láta hann rugga eða snúast í hringi, eða festa hann í bakstellingunni og þykjast sofa. Hann var appelsínugulur með svörtu blómamynstri. Saga stólsins er sú að amma sem var heimavinnandi, langaði að gefa afa þennan stól. En ekki vildi hún að hann sem var fyrivinnan myndi greiða fyrir gjöf sína. Þess vegna prjónaði hún ullarpeysur og safnaði þannig fyrir stólnum fína.

Íslenskar húsmæður eru framtíð þjóðarinnar á þessum tímum. Á köldum vetrarkvöldum, þar sem búið er að segja upp sjónvarpinu og það innsliglað þar sem ekki er ráð fyrir afnotagjöldunum, geta konur komið sér fyrir í fína sófanum í fínu stofunni með myntkörfulánunum í húsi sínu sem þær nú leigja af ríkinu og prjónað íslenskar ullarpeysur. Þær senda eintök til aðalpersóna hinna vinsælu gamanþátta Klovn og biðja þá að vera í þeim á meðan á upptöku þáttanna stendur. Þar með er komin nær ókeypis auglýsing og peysurnar rjúka út eins og heitar lummur. Fjárhagsvanda íslensku þjóðarinnar er hér með reddað af íslenskum húsmæðrum vopnaðar prjónum og ullarspotta!

Ég hef ákveðið að sækja ekki um einkaleyfi á hugmynd þessari, heldur leyfa landi og þjóð að njóta góðs af henni og er þetta því mitt framlag til að bæta fjárhagsástandið.

Námslok

Ég er nýútskrifaður montrass með 12 í einkun( af 12 mögulegum). Þið sem ekki þolið montrassa getið bara snúið ykkur í hina áttina þegar þið rekist á mig út á götu þar sem rigningin myndar polla í nasaborum mínum.

Ég er léttari. Léttari í skapi, léttari í lund, léttari á mér, léttari líkamlega. Mér er bara mikið létt.

Daginn fyrir útskrift fékk ég alveg hreint frábæra útskriftargjöf. Það var hvorki meira né minna en hún Valdís systir sem kom mér algjörlega á óvart. Það var svo frábært. Vildi bara að hún hefði stoppað leng... tja eða bara ekkert farið aftur!! Emilíana sem hefur ekki hitt hana í eitt ár og 8 mánuði, ætlaði að gleypa hana! hún mátti ekki sjá af henni, ég mátti ekki fara með Valdísi út í búð, þá sagði hún " þú mátt ekki keyra hana langt burt". og svo krafðist hún þess að fá að fara með. Hún sagði í leikskólanum að hún væri hin mamma sín og kallaði hana það líka hér heima því hún mundi ekki nafnið fyrst um sinn. Hún sagði við leikskólakennarann," den mor går i skole men er færdig og den mor passer mig" eða á íslensku" þessi mamma mín er í skóla en er búin núna og þessi mamma mín passar mig"!

Hvað heitir reception á íslensku? hmmm....(ég fékk þessa líka fínu íslensku orðabók í útskriftargjöf, en sé að ég þarf að safna mér fyrir dansk-íslenskri líka...). Anyways. semagt skólinn hélt svona reception þar sem diplómar voru afhentir,ræður haldnar og léttar veitingar í boði. Eigandi fyrirtækisins sem við Jette unnum verkefnið fyrir hélt óvænta ræðu og hrósaði þar okkur meðal annars, skólastjórinn nefndi útlendinginn sem fékk 12 og veitingarnar voru góðar.

Útskriftarpartý á Loftinu með Helgu. Fengum nokkrar hendur lánaðar til aðstoðar og þar mætti helst nefna Petu sem var hjálpsamari en leyfilegt er og Dísu sem stóð í stórræðum í tapas gerð og annarri snittugerð og var útkoman stórglæsileg og bragðgóð! Ég skemmti mér konunglega og þakka ykkur öllum þúsund og milljón sinnum fyrir mig!

Partýið var líka kveðjupartý þar sem Helga er að fara að bjarga Íslandi undan gjaldþroti. Hún er og mun alltaf vera hugrakkur og mikill kvenskörungur og gæðablóð og veit ég að henni á eftir að farnast vel og svo þegar hún er orðin leið á að vera forseti, ráðherra og seðlabankastjóri, þá slekkur hún bara ljósin og kemur hingað aftur. En þangað til þá mun nú vera hálf tómlegt um að litast í bænum. Minna hlegið, minna fíflast, minna blaðrað, færri kleinur bakaðar, færri pönnsur, minna rauðvínssötur og færri spil.

Verið sæl og blessuð að sinni.
Hrund kerfisfræðingur kveður