Kom frá London í gær. Heimsótti þar Palla bróðir og fjölskyldu hans. Fengum konunglega móttögu og nutum heimsóknarinnar og borgarinnar. Það er hreint með ólíkindum hvað fólk í þessari risastóru stórborg er vinalegt(allavega miðað við það eina sem ég hef að miða við sem er Kaupmannahöfn). Ef ég stoppa einhvern út á götu í Kaupmannahöfn til að spyrja til vegar, hrögglast sá aðspurði til baka, horfir á mann með flóttasvip í augum þar til hann [sá aðspurði er hér í kk en gæti allt eins verið kvk] áttar sig á því að maður vill honum ekkert illt og þá er líklegast svarað með lítilli bendingu eða hrist hausinn því viðkomandi getur ekki aðstoðað. Í London eru allir tilbúnir til að aðstoða mann, það kemur engin tortryggisvipur, bara bros og öll sú aðstoð sem viðkomandi getur veitt, ef hann ratar ekki, bendir hann tvímælalaust á hvert maður getur leytað til að fá aðstoð.
Mér finnst það merkilegt hvernig maður getur komið hvort öðru við þegar maður býr í þvílíkri stórborg sem London er. það eru 22 miljón manns í London á venjulegum vinnudegi!
Næstu helgi verð ég á Íslandi. Fjölskyldumótið flutt um eina helgi svo ég geti náð að hitta alla, eða nánast alla yfir helgina og fengið að máta nýburana í fjölskyldunni. Hlakka ég til að sjá sumarbústaði foreldranna en þau eru bæði að byggja nýja bústaði. Ætla ég að taka með mér heim til DK, uppáhalds frumburðinn sem hefur þá dvalið í heilan mánuð heima á IS. Er ég að reyna að finna út hvernig ég kemst frá flugvellinum upp í Fljótshlíð, en almannasamgöngur eru nú ekki uppá marga fiska á eyjunni litlu. Væri flott ef það væri Túba(Tube = neðanjarðarlest) á Íslandi líkt og í London.
Við fórum í dagsferð út fyrir borgina stóru og eftir að hafa rölt um sögulegan kastala, spreyttum við okkur í völundarhúsi og fundum auðvitað miðjuna... fyrir rest. Á myndinni sjást Palli með dótturdótturina hana Chloe.
Svona leit út hér einn seinni partinn og getur þá hver sem vill giskað á að það hafi verið líf og fjör innandyra og úti í garði....
