Tvíburinn

Hvernig finnst ykkur þetta útlit á síðunni? Ég er tvíburi og elska að breyta til, það er auðveldara að breyta til hér heldur en að færa til húsgögnin...
Annars er ég nokkuð sátt við staðsetningu þeirra í augnablikinu.

Í gær stakk Steini uppá því að við myndum baka saman, það kæmi örugglega einhver í heimsókn. Úr urðu tvær dýrindis gamaldags kaffikökur og gestir og meira að segja fékk ég blómvönd og ekki á ég nú afmæli strax.

Talandi um afmæli.Það styttist í að litla krúsla verði 4ra. Mér finnst það svo skrítið, hún er allt í einu orðin svo stór, þýtur uppúr fötunum sínum og hafði kennarinn hennar Ísabellu orð á því í morgun hvað henni fannst hún hafa stækkað síðan hún byrjaði að fylgja stóru systur í skólann í haust. Hún óskar sér ekkert í afmælisgjöf sem gefur frá sér mikinn hávaða og ekkert sem tekur allt of mikið pláss;)

Hún óskar sér örugglega eitthvað fyrir dúkku, t.d. dúkkupela eða þá smádót eins og litlar fígúrur.Hún hefur líka gaman af töskum, enda er hún ekki barnabarn ömmu sinnar fyrir ekki neitt;)