Góð og gefandi helgi er nú á enda og við tekur langt páskafrí. Á laugardeginum hugsuðu sumir eins og ákváðu að kíkja í heimsókn hingað með bakarísbakkelsi og var því mikið spjallað og mikið borðað. Um kvöldið ákváðum við Steini að bregða út af vananum og fórum í göngutúr niðrí bæ með litlurnar.

Þar sem vorið er komið hér í Danaveldi og gróðurinn farin að spretta upp á fullu, er maður nú farin að kíkja út í garð og spá og spekúlera hvernig við getum gert hann meira aðlaðandi. Þegar við fluttum inn voru ógrinnin öll af blómabeðum og runnum. En þar sem ég er ekki með græna fingur og vill helst ekki fá brúna fingur og er þar af leiðandi ekki dugleg að reita arfa og klippa runna, og þar sem Steini nennir ekki svoleiðis "dútli" og vill heldur taka fram skóflu og sýna karlmennsku sína í að rífa upp heilu trén með rótum, höfum við smátt og smátt fækkað beðunum. Í gær tókum við síðasta hlutann af einu mjög stóru beði sem var hér. það var mikil vinna og get ég varla gengið fyrir harðsperrum!





Dagurinn í dag fer svo í skrifstofumál og skrifa ég einmitt þessa færslu meðan ég hlusta á fagra klassíska tónlist hjá Told og Skat...
Verið sæl að sinni og njótið frísins þið sem fáið slíkt.