það sem var, það sem er og það sem mun koma

Í morgun kvaddi ég tengda-fjölskyldu mína sem hefur verið hjá okkur síðan á miðvikudaginn. Þau komu hingað öll að fagna sextugsafmælisdegi tengda-Gerðar. það er búið að vera mikið fjör en samt rólegt, jú það ER bæði hægt!!! Svila-Daníel hjálpaði Steina með að fjarlægja óþarfa loftnet af þaki hússins og ”óþarfa” vinnuskúr.Hann hefði nú bara getað spurt mig .......NOT!
Klara fór í pössun og þar tók hún upp á því að breima og stökk niður af annarri hæð útum smá rifu til að komast á lóðerí, en skilaði sér þó þangað aftur. Ísabella leið yfir að amma og afi séu farin en ánægð með að kisa sé komin.
Stundataflan fyrir þessa skólaviku var send með email til okkar bekkjarsystkyna klukkan 7:58 og áttum við að mæta í morgun kl. 8... ég nett fúl út í viðkomandi kennara þar sem mér finnst þetta agalegt virðingarleysi við okkar tíma. Væri allt í lagi ef maður gæti bara hringt og pantað læknatíma eða annað og sagt ” ég kem bara þegar ég er búin í skólanum á fimmtudaginn...”hmmm. Eða við vinnuveitandann:” ég mæti bara þegar ég er búin í skólanum...” Hann baðst ekki einu sinni afsökunar.

Á fimmtudaginn á ég að skila vefsíðu þar sem fólk getur upplódað myndum á netið. Svo erum við bekkurinn að gera forrit fyrir nágranna kommúnuna þar sem hægt er að skrá og sjá tölfræðilegar upplýsingar símtala inn og út úr kommúnunni. Þriðji stóri boltinn í loftinu er svo þetta forrit í gsm síma, einhver upplýsingatækni sem ég uppljóstra ekki meira um... vil ekki að neinn steli þessari líka brillíant hugmynd sem er nú komin frá Kerfisfræðingnum í Kolding, henni Evu ;)
Það er líka meira kapp á að við vinnum alla heimavinnu núna... já og svo förum við alveg að fara að fá í hendurnar fjórðu annar prófverkefnið sem við byrjum þá á.
Þetta er Hrund sem tjáir sig rafrænt úr skólastofunni þar sem stressið reynir að þrýsta sér í gegnum þykkan vegg kvefs og beinverkja á meðan sólin skín glatt inn um gluggana.